Дона-тӀера-Ростовехь дӀайирзина сихачу шахматийн турнир. Кадыров Ахьмад-Хьаьжин иэсана лерина йара иза.
2011-чохь дуьйна дӀахьочу цигахь карарчу шарахь дакъалоцуш Россин 14 субъектан 108 векал вара.
Турниран жамӀашца а догӀуш, божаршлахь 1-ра меттиг Ставрополан мехкан, 2-гӀа меттиг Санкт-Петербурган, 3-гӀа меттиг Краснодаран мехкан векала йаьккхина.
Зударшлахь 1-2-гӀий меттиг ГӀирмин векалша йаьккхина, ткъа 3-гӀа — Ростовн областан векала.
Божаберашлахь а, зудаберашлахь а толаман а, совгӀаталлин а меттигаш Ростовн областан векалша йаьхна.
Ветеранашлахь тоьлларг Нохчийчоьнан векал Яндарбиев Руслан ву.
Билгалдоккху турнир дӀайахьарехь дакъалоцуш Нохчийчоьнан Къоман политикин, арахьарчу зӀенийн, зорбанан, хаамийн министр А Дудаев а, Кегийрхойн гӀуллакхийн министр Ӏ.Ибрагимов а, Ростовн областан 1-ра вице-губернатор И.Гуськов а, Ростовн областан физически культурин а, спортан а министр С.Аракелян а, кхиберш а хилла хилар.