Луганскан Халкъан Республикин Халкъан милицин Урхаллин тӀеман 2-чу корпусан буьйранчин заместитель хӀоттийна Алаудинов Апти.
Telegram чуьрчу шен каналехь оцу хьокъехь хаам бина Кадыров Ахьмад-Хьаьжин Рамзана.
Нохчийчоьнан Куьйгалхочо дийцарехь, тӀеман тийсадаларш дӀадахьаран декъана Ӏуналла деш хир ву Алаудинов Апти шен керлачу даржехь.
Делахь а, Кадыров Рамзана ма-хаийттара, «Ахмат» спецназан командир керлачу даржана резахиларан цхьа бехкам бара — Нохчийн Республикин Куьйгалхочун гӀоьнчин дарж а цуьнгахь дитар.
«ТӀеман инарлин, ткъа, цул сов, сайн ВЕШИН дехарна реза ца хила йиш йац сан«, — йаздина Нохчийчоьнан Куьйгалхочо.
Иштта, жоьпаллечу дарже хӀотторца а догӀуш, Алаудинов Апти даггара декъала а вина цо.