Культурин дӀадолорийн Президентан фондо дӀахьочу конкурсехь грант йаьккхина Республикин йукъараллин «Турпалхой» боламо.
«Шайн Даймехкан гӀаролехь – «ТӀеман лерринчу операцин Турпалхой» проект кхочушйийр йу оцу грантаца.
Цуьнан гурашкахь дӀахьур бу «ТӀеман лерринчу операцин Турпалхой» гайтамаш, майралла а, доьналла а гайтина хӀора а бӀаьхо вовзийтаран стендаш а йолуш.
Гайтамаш, 2 600 сов стаг йукъа а лоцуш, 3 гӀалахь а, 10 кӀоштахь а дӀабахьар ду Ӏалашонехь.
Церан [гайтамийн] гӀоьнца хьовсархошна вовзуьйтур ву 150 турпалхо а, белхан декхарш кхочушдарехь даьхна церан суьрташ а, цара гайтина хьуьнарш а.
Цул сов, социальни сеташкахь а дуьйцур ду «Турпалхой» боламо оцу турпалхойх лаьцна.
Проект кхочушйарехь цунна гӀо дийр ду Культурин а, Къоман политикин, арахьарчу зӀенийн, зорбанан, хаамийн а, Кегийрхойн а, Дешаран а, Ӏилманан а, Чоьхьарчу гӀуллакхийн а министерствоша а, Къоман гвардин Нохчийн Республикехула йолчу Урхалло а, патриоталлин «Путин» клубо а.