Довхачу хишца тӀаьхьалуо йолуш хиларца Россин Федерацин субъекташлахь 3-гӀа меттиг дӀалоцуш йу Нохчийн Республика.
И гӀуллакх тидаме а оьцуш, вайн махкара довха хиш талларан Ӏалашо йу «Зарубежнефть» холдинган.
Оцу хьокъехь хаам бина Нохчийчоьнан промышленностан а, энергетикин а министра Хакимов Адама.
Цул сов, белхан гӀуллакхца Москвахь а волуш, оцу холдинган коьртачу директорца Кудряшов Сергейца шен цхьаьнакхетар хилла хилар а хаийтина цо.
Министра дийцарехь, довхачу хих пайдаоьцуш йолчу альтернативан энергетикица боьзна хир бу холдинган говзанчаша вайн махкахь дӀабахьа лерина талламаш.