Автомобилийн некъаш тодаран декъехь бинчу белхан жамӀаш довзийтина Тумхаджиев Абубакара.
Вице-премьера — Автомобилийн некъийн министра ша куьйгалла дечу ведомствон белхахошца дӀадаьхьначу цхьаьнакхетарехь билгалдаьлла иза.
Билггал аьлча, карарчу 2022-чу шарахь вайн махкахь тодинчу некъийн йохалла 143 км йу.
Цул сов, тӀедогӀучу шарахь тодан дезачу некъашна проекташ йахарехь а, сметаш кечйарехь а бина боккха болх.
Иштта, «Кхерамза а, дика а некъаш» къоман проектан гурашкахь некъаш карарчу шарахь тодаран белхаш дӀаберзарна а, Ӏалашонийн гайтамашка кхачарна а тӀе тидам а бахийтина цигахь.
Оццу проектан гурашкахь некъаш тодарца (2023-гӀа шо) йоьзна контракташ кийча хилар а хьахийна.