Соьлжа-ГӀалин хьуьнан бахамехь 6 эзар сов синтар доьгӀна жигархоша.
И маьӀне гӀуллакх Йерригроссин «Ӏалашйийр йу хьун» акцин гурашкахь дӀадаьхьна.
Оцу акцехь вайн республика дакъалоцуш йолу 4-гӀа шо хилар хаийтина НР-н Ӏаламан тӀаьхьалуонийн а, гуонахара хьал лардаран а министерствон векалша.
Цул сов, синтарш догӀаран белхаш кхийолчу муниципалитеташкахь дӀабахьар а тӀетоьхна цара.
Лакхахь хьахийначу министерствон а, Хьун ларйаран Нохчийн Республикин туьшан а, НР-н профсоюзийн федерацин а, хьуьнан бахамийн а белхахоша оцу акцехь дакъалацар билгалдоккху.