Ӏаьрбийн а, бусалбанийн а мехкашкахь волу Нохчийн Республикин Куьйгалхочун векал Даудов Турко цхьаьнакхетта Сербин президентаца Вучич Александраца.
Кадыров Рамзанан тӀедилларца дӀадаьхьна ду и цхьаьнакхетар.
Нохчийчоьнан Куьйгалхочун цӀарах Сербин президенте а, сербашка а маршалла дӀадаларца долийра шен къамел Даудов Туркос.
Таханлерчу хьолах лаьцна дуьйцуш, цо билгалдаьккхира Сербис а, цуьнан халкъо а, Европа Ӏаткъам беш йоллушехь, Россин дӀадолорш къобалдар а, иза, чӀогӀа маьӀне а хеташ, Кадыров Рамзана лоруш хилар а.
И къамел тайначу Вучич Александра доккха баркалла элира Кадыров Рамзанна, Россин а, Сербин а йукъаметтигаш талхо ницкъ кхочур болуш хӀумма а цахиларна тӀе тидам а бохуьйтуш.
Ткъа Даудов Туркос, сербахойн чӀагӀалла ламанхойн амалца йогӀуш хилар а хоуьйтуш, цхьаьнакхетаран чаккхенехь верта а, чола куй а белира Вучич Александрана.