Шайн белхан декхарш кхочушдарехь кхелхинчу нохчийн бакъонашларйархойн доьзалхойн хьашташ кхочушдарна тӀехь латтош йоккха терго йу республикин куьйгалло.
Оцу маьӀнечу гӀуллакхан могӀарера ду царна белхан меттигаш нисйар а.
Мангалан (июль) беттан 1-чу денца а догӀуш, белхан меттигаш нисйина кхелхинчу бакъонашларйархойн 428 доьзалхочунна.
Цул сов, церан кхин а 508 доьзалхо деша а хьажийна.
Кадыров Рамзана дӀайаьхьначу кхеташонехь оцу хьокъехь хаам бина НР-н Куьйгалхочун а, Правительствон а Администрацин куьйгалхочо Таймасханов ГӀаласа.