Къоман гвардин Нохчийн Республикехула йолчу Урхаллин долахь бӀаьхойн керла дакъа кхолларан болх дӀабирзина вайн махкахь.
Telegram чуьрчу шен каналехь оцу хьокъехь хаам бина Кадыров Рамзана.
Нохчийчоьнан Куьйгалхочо дийцарехь, «Ахмат-1» ОМОН цӀе а йолуш бӀаьхаллин дакъа ду иза.
Уьш дӀахӀитторехь а, церан барзакъашка а, гергашка а хьажар дӀадаьхьна Къоман гвардин НР-ла йолчу Урхаллин хьаькама Делимханов Шарипа.
Вайн махкахь и дакъа вовшахтохаро 2 эзар сов белхан меттиг кхоьллина.
Ткъа цуьнан буьйранчин хьокъехь аьлча, иза тӀеман эпсар Шавхалов Ӏалихан ву.
Кадыров Рамзана хаийтина «Ахмат-1» ОМОН-н бӀаьхой майра а, доьналла а, доккха зеделларг а долуш хилар а, иштта, Украинехь дӀахьочу тӀеман лерринчу операцехь дакъалаца кийча хилар а.