Россис дӀахьочу тӀеман лерринчу операцехь дакъалоцуш болчу нохчийн бӀаьхошна барзакъца а, техникица а, кхачанца а мел оьшург латтош ду.
Telegram чуьрчу шен каналехь оцу хьокъехь хаам бинчу Кадыров Рамзана билгалдаьккхина мецачу салтих вуон бӀаьхо хилар.
Ткъа гӀо-накъосталлин хьокъехь аьлча, Кадыров Ахьмад-Хьаьжин цӀарахчу Йукъараллин фондо рогӀера гӀо-орца кхачийна Энергодарехь (Запорожье) къахьоьгучу вайн бӀаьхошна.
Кхачанан сурсатех лаьтташ ду иза, шен могӀарехь картол а, хох а, стоьмаш а, шекар а, дакъийна жижиг а, хиш а, мерза хиш а долуш.
ГӀо-орца кхаьчначу бӀаьхоша а, Нохчийчоьнан Куьйгалхочо а баркалла аьлла Кадыровн фондан президентана Несин Айманина.