Некъан боламан кхерамзаллин пачхьалкхан инспекцин белхахочунна урс тоьхна хилла зуламхо хӀаллаквина Соьлжа-ГӀалин йуккъехь.
Telegram чуьрчу шен каналехь оцу хьокъехь хаам бина Кадыров Рамзана.
Нохчийчоьнан Куьйгалхочо хаийтарехь, ламаз эца дехьаваьллачу инспекторна стешха урс тоьхнера зуламхочо.
Цул тӀаьхьа, цуьнан герз а эцна, вада гӀерташ волу иза хӀаллаквина.
Полицин белхахоша талламан болх дӀахьош хилар а хоуьйтуш, инспекторан гергарчаьрга кадам бина Кадыров Рамзана.
«Шен белхан декхарш кхочушдарехь кхелхинчу инспекторан гергарчаьрга даггара кадам бо ас«, — йаздина цо.