2021-2022-чуй шерашкахь бахархойн хӀусамийн дозанашка кхаччалц маьхза газ йигаран болх чекхбаьккхина вайн махкахь.
«Газпром межрегионгаз Грозный» компанис бина оцу хьокъехь хаам.
Цуьнца а догӀуш билгалдаьлла 2021-чохь, газ дозанашка кхаччалц маьхза тӀейигаран Ӏалашо 1 107 хӀусам йоллушехь, белхалоша чекхйаьккхинарг 1 245 хӀусам хилар (+12%).
Иштта, лакхахь хьахийначу компанин векалша дийцарехь, хӀокху 2 шарахь газ йалоран хьокъехь 6 981 дехар дина бахархоша, царах 852 дехар, лехамашца догӀуш цахиларна, дӀа а теттина.
ТӀеэцна дехар 6 129 ду, шайх 5 086 дехар чекхдаьккхина а, 889 дехарна тӀехь беш болх а болуш.
Шайн дехарш чекхдевллачу 5 086 хӀусамах 4 747 хӀусаман дозане кхаччалц газ а тӀейигна.
И программа кхочушйарехь Россехь а лидершлахь йу вайн республика.