Дагестанехь дӀайаьхьна ногӀийн берийн а, кхиазхойн а «Вайн цӀа — Росси» фестиваль.
Иза регионашна йукъара хиларе терра, Дагестанера а, Нохчийчуьра а, Ставрополан махкара а, Астраханан областера а, Кхарачойн-Чергазийчуьра а ногӀий бара цигахь дакъалоцуш.
Вайн махкарчу ногӀийн куьйгаллехь Курганова Аля йара.
Нохчийчуьрчу ногӀийн Ӏер-дахарна лерина видеокийсак а, 3 хелхар а гайтира цара, иштта, патриоталлин байт а йийшира.
ЖамӀашца а догӀуш, «Халкъан хелхар» декъехь 1-ра меттиг йаьккхира вайн махкарчу ногӀаша.
Фестивалан гурашкахь мастер-классаш дӀайаьхьна хилар а хоуьйту вовшахтохархоша.