Луларчу Украинехь Россис дӀахьочу тӀеман лерринчу операцехь дакъалаца шайн лаамехь боьлхучеран рогӀера тоба дӀайахана А-Хь.Кадыровн цӀарахчу Соьлжа-ГӀалин дуьненайукъарчу аэропортера.
Telegram чуьрчу шен агӀонехь оцу хьокъехь хаам бина Кадыров Рамзана.
Цо билгалдаккхарехь, тайп-тайпанчу халкъийн векалш бу церан могӀарехь.
Иштта, Россин спецназан университетехь (Гуьмсе) цаьрца Ӏаморан а, тактикин а, медицинин хьалхара гӀо-орца кхачоран а декъехь белхаш дӀабахьар а тӀетоьхна цо.
Уьш новкъабахарехь дакъалаьцна республикин Чоьхьарчу гӀуллакхийн министра Алханов Руслана а, цуьнан заместитела — Полицин хьаькама Ирасханов Аслана а.
ТӀеман лерринчу операцехь дакъалаца луучарна лерина контакташ: +7(925)661-77-77; +7(925)319-77-77; +7(925)328-77-77.