2023-чу шеран кхолламан (январь) 1-чохь дуьйна шен болх дӀаболор бу Россин социальни фондо.
Россин пенсионни фонд а, Социальни страхованин фонд а вовшахтохарца кхоллалуш йу иза.
Карарчу хенахь Россин пенсионни фондан Нохчийчуьрчу декъан урхалхочун заместитель лаьттачу Х.Тарамовас дийцина цунах лаьцна.
Цо билгалдаккхарехь, лакхахь хьахийначу шина а фондан болх, Ӏалашонаш, декхарш кхочушдар керла кхуллучу Россин социальни фондана кхочуш ду.
Иштта, оцу шина фондан буха тӀехь йукъара цхьа фонд кхолларо бахархойн социальни хьашташ кхочушдарна Ӏаткъам бийриг хилар а хаийтина цо.