Соьлжа-ГӀаларчу «Grozny Mall» туьшахь башха кинотеатр схьайиллина.
«Киностар» цӀе йолчу цуьнан башхалла SPHERA зал хиларца йоьзна йу.
Иштта зал Россехь кхин йац, ткъа дуьненахь — 3: Желтойчохь а, Францехь а, СаӀудийн Ӏаравехь а.
Ша кинотеатр 7 залах лаьтташ а, 933 меттигна лерина а йу.
Билгалдоккху царах 2 зала чохь заьӀапхошна лерина меттигаш а хилар: №1 залехь — 3 меттиг, SPHERA залехь — 4 меттиг.
«Киностар» схьайелларца а догӀуш, хьалхара (дашо) билет Нохчийн Республикин Куьйгалхочунна Кадыров Рамзанна билгалдаьккхина кинотеатран векалша.