Кхерамзаллин гӀуллакхаш жигардохур ду республикехь. ТӀекхочуш Керла шо хиларца доьзна ду иза.
Нохчийчоьнан вице-премьер волчу Висмурадов Абузайдаца а, Чоьхьарчу гӀуллакхийн министраца Алханов Русланца а ша дӀайаьхьначу кхеташонехь оцу хьокъехь хаам бина республикин Куьйгалхочо Кадыров Рамзана.
Циггахь, махкахь кхерамзалла латторан гӀуллакх дийцарал сов, Россис дӀахьочу тӀеман лерринчу операцин хьокъехь дерш а дийцаре дина.
И операци Украинехь дӀахьош хиларх а, Кадыров Рамзана билгалдаьккхина ма-хиллара, къийсам меттигерчу националисташца а, NATO-н эскаршца а латтош бу вайн бӀаьхоша.