Куьйгаллехь Россин Пачхьалкхан думин депутат Делимханов Адам а волуш, Нохчийн Республикин энергокомплекс кхиорехула йолчу кадечу штабан кхеташо дӀайаьхьна Соьлжа-ГӀалахь.
Цигахь дакъалаьцна «Чеченэнерго» а, «Нийсо и К» а йукъараллийн векалша.
Йийцаре йина энергокомплекс кхиоран декъера Ӏалашонаш а, кхочушдан деза гӀуллакхаш а, бан беза белхаш а.
Циггахь билгалдаьлла Итон-Кхаьллан кӀоштарчу «Ведучи» курортана токаца кхачойаран гурашкахь 70 км токан аса йуьгург а, трансформаторан подстанци хӀоттор а хилар.
МаьӀнечу гӀуллакхийн могӀарехь ду Кадыров Ахьмад-Хьаьжин цӀарахчу Соьлжа-ГӀалин дуьненайукъарчу «Северный» аэропортан токаца доьзна хьашташ а кхачаме кхочушдар.