Нохчийчуьра дӀабаханчарах 0,01% нах вайн къоман цӀе бехйеш бу.
Селхана социальни сеташкахь шен хиллачу дуьххьалдӀачу эфирехь оцу хьокъехь дӀахьедар дина Кадыров Ахьмад-Хьаьжин Рамзана.
«Шайна бух а ца бевза холхазан куйнаш а техкина, галстукаш а оьхкина, малхбузехьарчу нахах тарбала гӀерташ иттаннаш нах бу. Духар церан йа нохчийн а, йа малхбузехьарчу нехан а духарца догӀуш дац. Шайна хӀун лаьа хьовса безаш бу уьш. Цхьаннах йозуш йоцу шарӀан пачхьалкх а йеза царна, терроризмаца йоьзна йукъараллаш къобалйеш а бу уьш. Нагахь шайна хуьлуш пайда бацахь, царна йа Ичкери а, йа Кавказ а ца оьшу, йа цхьанхьа дакъалаца лууш а ца хуьлу. Амма, нагахь пайда хир болуш хьал хилахь, уьш сихонца цунна декъехь а карабо. Йа тӀаьхьалуоне болу хьежам а, йа шайна хӀун лаьа а хууш нах-м бац уьш«, — билгалдаьккхина Нохчийчоьнан Куьйгалхочо.