МеттахӀотточу ГаланчӀожан кӀоштахь туризман а, садаӀаран а кластер йийр йу.
«Даймохк» цӀе а йолуш хир йолу иза инвестицийн чоьтах кхочушйан лерина.
Цуьнца доьзна гӀуллакхаш дийцаре дина Нохчийчоьнан экономикин а, мохк кхиоран а, махлелоран а министра Шаптукаев Рустама а, Хьалха-Мартан кӀоштана куьйгалла дечу Куцаев Шемала а, «Федерация П.С. СТРОЙ» йукъараллин векалша а.
Йуьйцучу кӀоштахь историн а, культурин а мехаллаш хиларца а доьзна, цкъа хьалха кечамийн белхаш дӀахьур бу цигахь: культурин тӀаьхьалуонийн майданаш билгалйохур йу.
Цул тӀаьхьа бен болор бац меттахӀотточу кӀоштахь инфраструктура кхолларан бух кечбаран болх.