Токхамечу майданашкарчу 95 доьзална керла хӀусамаш* лур йу карарчу шарахь.
Оцу хьокъехь хаам бина ГӀишлошйаран а, хӀусамийн-коммунальни бахаман а министерствос.
Даханчу шарахь, токхамечу майданашкара дӀа а кхалхош, 131 доьзална (881 стаг) йина керлачу хӀусамашца кхачо.
Вуьшта, и программа республикехь йолийча дуьйна, оцу тайпанчу майданашкара дӀакхалхийнарг а, керлачу хӀусамашца кхачойинарг а 460 доьзал (3 349 стаг) бу.
Йуьйцучу программин цӀе «Россин Федерацин бахархошна кхачамечу хӀусамашца а, коммунальни хьашташца а кхачойар» йу.
———
* бюджетан чоьтах деш долу цӀенош а, оьцуш йолу петарш а