ТӀеман леррина операци дӀайахьаран Республикин кадечу штабан кхеташонехь Кадыров Рамзанна гайтина «Нохчийн Республикин Турпалхо» мидал.
Мехк-Дена и мидал гойтуш а, цунах лаьцна дуьйцуш а, Парламентан спикера Даудов Мохьмада билгалдаьккхира иза 750 цӀеналлин 70 грамман деших йина хилар.
8 маьӀиг йолчу седанан лакхе «КЪОНАХ» дашца къагийна, ткъа лахе — «АЛЛАХӀУ АКБАР • АХМАТ — СИЛА» дешнашца.
Харцахьара агӀо «ГЕРОЙ ЧЕЧЕНСКОЙ РЕСПУБЛИКИ» дешнашца билгалйаьккхина йу.
Оцу мидалца билгалбохур бу ТӀеман лерринчу операцехь хьуьнарш а, доьналла а гайтина а, кхиамаш баьхна а нохчийн къоман бӀаьхой.