«АХМАТ» спецназан буьйранчина, тӀеман 2-чу корпусан буьйранчин гӀовсана Алаудинов Аптина талу тоьхначу кехатца зен дан гӀоьртина мостагӀий.
Telegram чуьрчу шен каналехь оцу хьокъехь хаам бина Кадыров Ахьмад-Хьаьжин Рамзана.
«Шун синош а тедеш, хоуьйту: цуьнгахь дика хьал ду, дахарна кхерам бац«, — йаздина Нохчийчоьнан Мехк-Дас.
Цо билгалдаккхарехь, чиллин беттан 8-чохь хилла хӀума ду иза.
Шега даийтина кехат талу тоьхна хиларх кхеттачу Алаудинов Аптис а, цуьнан адъютанташа а сихонца «кхерамзаллин гӀулчаш» йаьхна хиларо беркате Ӏаткъам бина.
Иштта, Кадыров Ахьмад-Хьаьжин Рамзана хаийтина ша Алаудинов Апти а, цуьнан ший адъютант а Москварчу клиникехь хилар.
«Цуьнца цхьаьна дӀахьош талламан болх а бу. ЖамӀаш ду хӀинцале а«, — дерзийна шен кост Нохчийчоьнан Мехк-Дас.