Мохкбегоро зенаш динчу шемахошна а, туркошна а гуманитарин 180 тонна сов гӀо-орца хьажийна Нохчийн Республикера.
Меттигерчу бахархошна лерина гуманитарин гӀо-орца вовшахтоьхна Кадыров Ахьмад-Хьаьжин цӀарахчу Йукъараллин фондо, шеца цхьаьна гӀоьналлин «Хайра» йукъаралла а йолуш.
Нохчийн Республикин Мехк-Ден Кадыров Ахьмад-Хьаьжин Рамзанан тӀедилларца дӀабаьхьна бу и болх.
Йовха хӀуманаш (божарийн, зударийн, берийн духарш, и.д.кх.а) а, кхачанан сурсаташ а, берийн даарш а, токан генераторш а, серлотохаран гӀирсаш а, гоьнаш а, гӀайбанаш а, йургӀанаш а ду цунна йукъадогӀуш.