Карарчу хенахь республикехь кхочушйечу проектийн могӀарехь хӀусамийн-коммунальни бахаман декъере 32 проект йу.
Цул сов, 2023-чу шарахь йукъараллин 41 майда а схьайоьллур йу муниципалитеташкахь.
ГӀишлошйаран дакъа кхиийтаран Ӏалашонца а догӀуш, Соьлжа-ГӀалахь а, Устрада-ГӀалахь а, Теркан а, Гуьмсан а, Шелан а кӀошташкахь кхочушдеш цхьамогӀа гӀуллакхаш а ду.
Даханчу шарахь а санна, карарчу шарахь а къаьсттинчу тергонехь латтор ду «ХӀусамаш а, гӀалин хьелаш а» къоман проект кхочушйар.
Иза билгалдаьлла Россин Федерацин а, Нохчийн Республикин а гӀишлошйаран а, хӀусамийн-коммунальни бахаман а министрийн Файзуллин Ирекан а, Зайпуллаев Муслиман а хиллачу цхьаьнакхетарехь.