Нохчийн Республикерчу «АХМАТ» тобано хьалхара меттиг йаьккхина Ӏаьрбийн Цхьаьнатоьхначу Эмираташкахь дӀабаьхьначу «The UAE SWAT Challenge 2023» къийсамашкахь.
Кадыров Ахьмад-Хьаьжин цӀарахчу Полицин лерринчу полкан бӀаьхойх лаьтташ йара нохчийн тоба, куьйгалла деш полкан буьйранча Чалаев Замид а волуш.
Цо билгалдаккхарехь, Нохчийн Республикин Мехк-Да Кадыров Ахьмад-Хьаьжин Рамзан бахьана долуш, спортан къийсамашкахь дакъалацарна тӀера тӀеман тийсадаларш дӀадахьаре кхаччалц оьшуш мел долу хьелаш долуш ду нохчийн бӀаьхойн.
ХӀорашеран и «The UAE SWAT Challenge» къийсамаш вовшахтохархошлахь а, дакъалацархошлахь а «спецназан Олимпиада» ларалуш йу.
Карарчу шарахь цигахь дакъалоцуш 30 гергга махкара 60 гергга тоба йара, Россин Федерацин цӀарах 3 а йолуш: «АХМАТ», «СОБР», «Витязь».