Кадыров Ахьмад-Хьаьжин цӀарахчу Йукъараллин фондера рогӀера гуманитарин гӀо-орца кхаьчна шемахойн махка.
Шемахь йолчу Россин эскаран тобанан гӀоьнца и гӀо-орца Тартус провинцерчу 5 йуьртахь дӀасадекъна фондан векалша.
Мохкбегоро зенаш динчу меттигерчу бахархошна духарш а, берийн даарш а, дама а, дуга а дахьийтина.
Цул сов, оццу гӀоьнна йукъахь четарш а, гӀайбанаш а, йургӀанаш а, гоьнаш а йу.
Къаьсттина хьашто йолчу 120 доьзална йукъахь дӀасадекъна рогӀера гуманитарин гӀо-орца.