Нохчийн Республикин Мехк-Дас Кадыров Ахьмад-Хьаьжин Рамзана дӀакхайкхийнчу Нохчийн меттан шарна лерина а болуш, Нохчийн Республикин къоман политикин, арахьарчу зӀенийн, зорбанан, хаамийн министерствоца цхьаьна Къоман «Даймохк» газето дӀахьочу «Сан дуьне — Нохчийчоь» боламехь дакъа Липецкехь а лаьцна.
Оьрсийн къоман векал, Липецкан областан вахархо, «Региональные новости» холдинган «Новости Липецка» хаамийн службин куьйгалхо Вальковский Николай ву оцу боламехь дакъалаьцнарг.
Цо билгалдаккхарехь, ненан маттана леринчу боламашкахь а, тайп-тайпанчу дӀадолоршкахь а дакъалоцуш алссам нах хиларо воккхавево иза.
Цуьнца доьзна ду цо ша а хӀокху боламехь дакъалацар.