ЦӀейахханчу Ӏилманчаша дакъа а лоцуш, нохчийн мотт кхоллабаларна лерина дуьненайукъара конференци дӀайахьа лаамехь йу Нохчийн Республикин Ӏилманийн академи.
«Вайнах» ПТРК-н эфирехь арайолучу «Актуальная тема» программехь ша дакъалоцуш оцу хьокъехь хаам бина НР-н ӀА-н президента Умаров Джамбулата.
Цо билгалдаккхарехь, Нохчийчуьра а, Россин регионашкара а, Европин мехкашкара а, Гуьржийчуьра а, Эрмалойчуьра а, Туркойчуьра а Ӏилманчаша цигахь дакъалацар ду вовшахтохархойн Ӏалашонехь.
«Дуьненан шираллехь маьӀне меттиг дӀалоцуш нохчийн халкъ хиларна тӀаьхьакхиа оьшуш гӀуллакх ду иза«, — элира Умаров Джамбулата.
Нохчийн меттан шираллица доьзнарш дийцаре даран болх дуьненан тӀегӀане баккхаран Ӏалашонца дӀахьур йу и конференци.