Белхан гӀуллакхца Нохчийн Республикехь хилла Пскован областан губернаторца Ведерников Михаилца цхьаьнакхийтира Кадыров Рамзан.
Нохчийн Республикин Мехк-Деца шен хиллачу къамелехь Ведерников Михаила Соьлжа-ГӀалица а, Нохчийчоьца а йоьзна шен ойланаш а, хьежамаш а бовзийтира.
Цо билгалдаккхарехь, тӀаьххьара Соьлжа-ГӀалахь 7 шо хьалха хилла вара иза.
«Кхиамаш хӀетахь а бара кхузахь. Амма, тахана гуш долу сурт башха ду, со чӀоггӀа реза а веш«, — дийцира Пскован областан губернатора.
Цул сов, Россис дӀахьочу тӀеман лерринчу операцехь доккха дакъалоцуш Нохчийн Республика хиларна тӀе тидам а бохуьйтуш, Кадыров Рамзанна баркалла а элира цо.