Хууш ма-хиллара, Россин кхийолчу субъекташкахь а санна, вайн республикехь а дӀахьош бу полиомиелитана дуьхьалонна лерина иммунизаци йаран болх.
Цуьнан гурашкахь, субъектийн санитарин коьртачу лоьрийн лехамашца а догӀуш, вакцинацеш йеш йу 3 баттера 9 шаре кхаччалц долчу берашна.
Нохчийчохь и болх кхитӀе а дӀахьош хиларе терра, цунна лерина кхеташо а дӀайаьхьна могашалла Ӏалашйаран министерствехь.
Ведомствон куьйгалхочо Лорсанов Сулеймана, и болх, хӀора а беран хьал-де а толлуш, лаккхарчу тӀегӀанехь дӀабахьар тӀедожийна цигахь.