Мохкбегоро зенаш динчу шемахошна гӀо-орца латторан болх жигара дӀахьош бу Кадыров Ахьмад-Хьаьжин цӀарахчу Йукъараллин фондо.
Меттигерчу Хама провинцехь нах ханна дӀатарбинчу туьшашка кхачийна рогӀера гӀо — кхачанан сурсаташ, берийн даарш, гӀайбанаш, гоьнаш, йургӀанаш, и.д.кх.а.
И болх дӀабахьарехь гӀо-накъосталла деш Шемахь йолу Россин эскаран тоба а йу.
Telegram чуьрчу шен каналехь оцу хьокъехь хаам бина Кадыров Ахьмад-Хьаьжин Рамзана.
Иштта, Нохчийн Республикин Мехк-Дас билгал ма-даккхара, Алеппо гӀаларчу 50 доьзална ахчанца гӀо-накъосталла а дина.
Оцу беркатечу балхана 9 эзар доьзал йукъаозор ду Ӏалашонехь.
Чуваха хӀусамаш йоцуш 100 эзар сов стаг волчу цигахь доккха гӀо-орца ду иза, хӀунда аьлча, Кадыров Ахьмад-Хьаьжин цӀарахчу фондо дечу финансийн гӀоьнца меттигерчу бахархойн таро хуьлу хӀусамашца шайна аьтто бан.