Нохчийн меттан шо дӀадолорна лерина доккха цхьаьнакхетар Мехкадаьттан-Йуьртан Кадыров Ахьмад-Хьаьжин цӀарахчу йукъардешаран ишколехь а дӀадаьхьна.
Грозненски кӀоштан дешаран департаменто вовшахтоьхначу оцу маьӀнечу гӀуллакхехь дакъалецира НР-н дешаран а, Ӏилманан министра Дааев Хож-Баудис, ткъа къоман политикин, арахьарчу зӀенийн, зорбанан, хаамийн а министерствон цӀарах — Шуьйрачу хаамийн гӀирсийн белхахой кечбаран а, йухакечбаран а туьшан директора, нохчийн журналистикин ветерана Юнусов Хьамзата, иштта, йаздархоша Исмаилов Абус а, Сейлмуханов Мусас а, кхечара а.
Цхьаьнакхетаран гурашкахь нохчийн дахарна а, дааршна а, маттана а лерина гайтамаш а, нохчийн маттахь кечйина концертан программа а хилира.
Цул сов, маттах а, матто йукъараллин дахарехь лелочу маьӀнах а, мотт Ӏалашбарехь а, кхиорехь а дан дезачух а дуьйцуш, беркате къамелаш а дира гулбеллачара.6изменено 10:31