Къилберчу ХӀирийчоьнан Президента Гаглоев Алана ДоттагӀаллин орден йелла Нохчийн Республикин культурин министрана Кадырова Ӏайшатана.
Telegram чуьрчу шен каналехь оцу хьокъехь хаам бина Кадыров Ахьмад-Хьаьжин Рамзана.
Нохчийн Республикин а, Къилберчу ХӀирийчоьнан а халкъийн йукъаметтигаш а, доттагӀалла а чӀагӀдаран декъехь доккха дакъалацарна делла ду сийлаллин и совгӀат.
Кхузахь дагадаийта догӀу хӀокху деношкахь Нохчийн Республикин культурин денош Къилберчу ХӀирийчохь дӀахьош хилар.
Цхинвалехь уьш дӀадолорна лерина доккха цхьаьнакхетар хилла.