Йоккха АтагӀа а, Жима АтагӀа а Орга тӀехула хӀоттаран гӀашлойн тӀай тилларан белхаш жигара а, сихонца а дӀахьош бу.
Хьалха-Мартан кӀоштан куьйгалхочо Куцаев Шемала дийцарехь, кеста дӀадерзо лерина иза тилларан гӀуллакх.
ГӀирсаца мел оьшуш долу гӀо-накъосталла дина Кадыров Ахьмад-Хьаьжин цӀарахчу Йукъараллин фондо.
И болх сихонца дӀаболор даханчу шеран гӀуран беттан чаккхенехь шен хиллачу пресс-конференцехь дӀакхайкхийнера Кадыров Ахьмад-Хьаьжин Рамзана.
Хьалхуо цигахь хилла тӀай чудоьжна хиларна, керла тӀай тилларца накъосталла оьшуш, оцу пресс-конференцин гурашкахь меттигера вахархо Нохчийн Республикин Мехк-Деца зӀене валарца доьзна дара иза.