Нохчийн Республикин Мехк-Ден Кадыров Рамзанан тӀедилларца а догӀуш, Нохчийн Республикин Мехк-Ден Секретариатан куьйгалхочун гӀовс йолчу Кадырова Хутматах тешийна могашалла Ӏалашйаран дéкъана Ӏуналла дар.
Оцу хьокъехь хаам бина республикин вице-премьера Алханов Адама.
Билгалдоккху, коьртехь Алханов Адам а, Кадырова Хутмат а йолуш, могашалла Ӏалашйаран дéкъана лерина кхеташо тахана Соьлжа-ГӀалахь дӀайаьхьна хилар.
Цигахь дакъалоцуш хиллачу могашалла Ӏалашйаран министра Лорсанов Сулеймана, шен доклад а йеш, Кадырова Хутматана довзийтира могашалла Ӏалашйаран дéкъера хьал.
Оцу дéкъехь баккхий хийцамаш бар шен Ӏалашонехь хилар ша Хутмата а хаийтира.
Иштта, могашалла Ӏалашйаран дáкъа шех тешорна, Нохчийн Республикин Мехк-Дена баркалла а элира цо.