Нохчийн Республикин могашалла Ӏалашйаран хьалхара дакъа кхиоран гурашкахь керла гӀишло йина Ӏалхан-ГӀаларчу куьпан дарбанцӀенна.
Лоьрашна а, дархошна а оьшуш мел долу хьелаш кхоьллина цу чохь, иштта, медицинин лехамашца йогӀуш чоьнаш а кечйина.
150 стаг тӀелацаран поликлиниках а, дийнан стационарах (25 маьнга-меттиг) а лаьтташ ду дарбанцӀа.
Ша Ӏалхан-ГӀаларчу а, луларчу йарташкарчу а 17 эзар стаган хьашташна лерина хир долуш ду иза.
ХӀинццалц оцу дарбанцӀийно пайдаоьцуш хилла гӀишло 1960-чу шарера хилла хилар билгалдоккху могашалла Ӏалашйаран министерствон векалша.