Россин Федерацин Президента Путин Владимира маршаллин кост даийтина тахана Соьлжа-ГӀалахь дӀабаьхьначу Нохчийн Республикин Халкъан гуламан дакъалацархошка.
И Гулам, хууш ма-хиллара, Нохчийн Республикин Конституцин 20 шо кхачарна лерина бара.
Шен костехь Путин Владимира билгалдаьккхина 2003-чу шеран бекарг беттан 23-гӀа де нохчийн халкъан исторехь маьӀне, хиламе терахь хилар.
Цо тидам тӀе ма-бахийттара, Нохчийчоь Россица хилар оцу дийнахь къобалдина нохчийн халкъо.
Иштта, нохчийн халкъан ондда лаам бахьана долуш, таханлерчу нохчийн пачхьалкхаллин бух кхоьллина хилар а хьахийна Путин Владимира.
Цул сов, НР-н хьалхарчу Президентан, Россин Турпалхочун Кадыров Ахьмад-Хьаьжин некъана муьтӀахь а долуш, нохчийн халкъо шен мохк кхиош хилар а тидамза ца дитина цо.
Къаьсттина тидам тӀебахийтина, шайгара майралла а, доьналла а гойтуш, Россис дӀахьочу тӀеман лерринчу операцехь дакъалоцуш дуккха а нохчий хиларна.
Халкъан Ӏалашонаш а, Гуламан дӀадолорш а кхочушхиларх ша тешаш хилар а хоуьйтуш дерзийна Россин Президента шен кост.