Нохчийн Республикин могашалла Ӏалашйаран министерствон хьашташ карарчу шарахь кхочушдеш санитарин авиацин керла беркема хир ду.
2023-чу шарахь, планаца а догӀуш, 129-зза гӀатто дезаш ду иза.
Хьалхара рейс хӀинцале а йина — Невран кӀоштара дархо Соьлжа-ГӀала схьавалийна.
Билгалдоккху санитарин авиаци вайн махкахь 2020-чу шарахь дуьйна болх беш хилар.
Иштта, цуьнан хьашташна йан йолийна 5 майда а йу 2022-чу шарахь: 1️⃣ТӀехьа-Мартан кӀоштахь, 2️⃣Теркан кӀоштахь, 3️⃣Шелковски кӀоштахь, 4️⃣Нажи-Йуьртан кӀоштахь, 5️⃣Шуьйтан кӀоштахь.
Оцу хьокъехь хаам бина Нохчийн Республикин могашалла Ӏалашйаран министра Лорсанов Сулеймана.