Россин Федерацин Къоман гвардин Нохчийн Республикехь дӀатардинчу 2 декъан бӀаьхошна керла буьйранчаш бовзийтина Кадыров Рамзана.
Къоман гвардин директоран Золотов Викторан омрица керлачу дарже хӀоттийнарг Магомадов Хас-Мохьмад а, Исмаилов ИбрахӀим а ву.
Магомадов Хас-Мохьмад Россин Къоман гвардин эскарийн Къилбаседе-Кавказан округан Кадечу Ӏалашонийн къаьстинчу 46-чу тобанан кадечу Ӏалашонийн 94-чу полкан куьйгалле хӀоттийна.
Ткъа Исмаилов ИбрахӀим — Россин Къоман гвардин Кадыров Ахьмад-Хьаьжин цӀарахчу Кадечу Ӏалашонийн къаьстинчу тобанан лерринчу 141-чу «Север» полкан куьйгалле.
Шен къамелехь Нохчийн Республикин Мехк-Дас Кадыров Рамзана билгалдаьккхина и ший а майра, доьналле, тешаме эпсар хилар, терроризмаца къийсам латторехь а, тӀеман леррина операци дӀайахьарехь а лаккхара хьуьнарш гайтина а волуш.