Россин гӀаролан министерствона йукъайогӀучу лерринчу Ӏалашонийн нохчийн «Север-АХМАТ» полкан буьйранчас Зингиев Зайндис лаккхара мах хадийна «Чаборз» машенийн.
Telegram чуьрчу шен каналехь оцу хьокъехь хаам бина Кадыров Рамзана.
Цо билгалдаккхарехь, тӀеман лерринчу операцехь дакъалоцуш болчу нохчийн бӀаьхойн эвсаралла лакхайаккхарехь шайн жигаралла гайтина оцу машенаша.
«Вайн бӀаьхошна мел оьшург кхидӀа а латтор ду вай, шайн могӀарехь герз а, техника, цӀейаххана «Чаборз» машенаш а йолуш«, — йаздина Нохчийчоьнан Мехк-Дас.