ХӀусамашца чӀогӀа хьашто йолчу Соьлжа-ГӀаларчу 50 доьзална петарш йелла Кадыров Ахьмад-Хьаьжин цӀарахчу Йукъараллин фондо.
Церан могӀарехь бу заьӀапхой а, дуккха а бераш долу а, шайн доьзалхой тӀеман лерринчу операцехь дакъалоцуш болу а доьзалш.
Керлачу петарийн догӀанаш царна дӀадаларан болх Соьлжа-ГӀалин мэрин гуламан зала чохь дӀабаьхьира.
Цигахь дакъалецира НР-н вице-премьера — бахаман а, лаьттаца йолчу йукъаметтигийн а министра Кадыров Хьамзата, Берийн а, кегийрхойн а «Движение первых» боламан Республикерчу декъан Кхеташонан куьйгалхочо Кадыров Ахьмада, Соьлжа-ГӀалин мэра Кадыров Хас-Мохьмада.
Цара билгалдаккхарехь, Кадыров Ахьмад-Хьаьжин цӀарахчу Йукъараллин фондан гӀо-орца бахьана долуш, бахархойн хьашташ лехамел а алссам кхочушдан ницкъ кхочуш йу республикин а, муниципалитетийн а тӀегӀанашкара органаш.