Йерригроссин берийн а, кегийрхойн а «Движение первых» боламан Республикерчу декъан Кхеташонан куьйгалхо Кадыров Ахьмад цхьаьнакхетта Азербайджанан экологин а, Ӏаламан тӀаьхьалуонийн а министраца Бабаев Мухтарца.
Telegram чуьрчу шен каналехь оцу хьокъехь хаам бина Кадыров Рамзана.
Цо билгал ма-даккхара, цхьаьнакхетар Азербайджанан пачхье йолчу Бакухь хилла ду.
Алиев Гейдаран 100 шо кхачаран мероприятеш кечйаран а, дӀайахьаран а гӀуллакхна леринчу балхаца, нохчийн делегацин коьртехь а волуш, Бакухь ву Кадыров Ахьмад.
Оцу даздарийн гурашкара цхьамогӀа гӀуллакхаш Нохчийн Республикехь а дӀадахьа лерина хилар билгалдаьлла цигахь.
«Вайн халкъашлахь динан а, культурин а зӀенаш чӀагӀйарехь Кадыров Ахьмад-Хьаьжица цхьаьна къахьегна ву Алиев Гейдар а«, — йаздина Нохчийчоьнан Мехк-Дас.