35 кВ «Аэропорт» подстанци карарчу шарахь тойийр йу «Чеченэнергон» говзанчаша.
Билггал аьлча, цуьнан кертахь кхитӀе а трансформатор (4 МВА) хӀоттор а, 0,5 км йохаллехь токан керла аса йигар (35 кВ) а ду Ӏалашонехь.
Оцу балхах Кадыров Ахьмад-Хьаьжин цӀарахчу Соьлжа-ГӀалин дуьненайукъарчу «Северный» аэропортана а, Ӏалхан-Чурт йуьртана а токаца кхачо а хир йу, цуьнца йоьзна кхерамзалла а лакхайер йу.
Говзанчаша билгалдаккхарехь, хӀинцале а дӀаболийна и белхаш дӀаберзо кхин 6-8 бутт безар бу.
Цуьнца цхьаьна, карарчу 2023-чу шарахь шаьш кхин а 3 подстанци тойеш хилар а хаийтина цара: 1) «Октябрьская», 2) «ГРП-110», 3) «Беной».
Нохчийн Республикин электросетийн комплексан чӀагӀалла а, тешамалла а лакхайаккхаран программин гурашкахь дӀахьош белхаш бу уьш.