ХӀинжа-ГӀалахь (Дагестан) дӀайаьхьна Къилбаседе-Кавказан ФО-н шахматашкахула йолу чемпионат.
Бекарг беттан 31-чохь дӀа а йолалуш, оханан беттан 4-гӀа кхаччалц лаьттира иза.
Командашлахь йолчу Россин Лаккхарчу лиге 3 меттиг а къовсуш, цигахь дакъалецира шаьш шахматхоша а, шахматхойн тобанаша а.
Нохчийн Республикин вовшаштоьхна команда 2-чу метте йелира цигахь, лакхахь билгалйинчу Лаккхарчу лиге йаха бакъо а йоккхуш.
Шахматхой шаьш къовсабаларехь а дика жамӀаш гайтира вайн векалша: Саидов Билухьаьжас а, Бимиев Ахьмада а 1-ра меттиг йаьккхира, ткъа Дебзиев Джабраила — 2-гӀа меттиг.