Москвахь керла маьждиг дарца доьзначу гӀуллакхна Ӏаткъам барна Кадыров Ахьмад-Хьаьжин Рамзанна доккха баркалла аьлла шайх Гайнутдин Равила.
«Шайн республикехь а, кхечу меттигашкахь а маьждигаш даран балхаца жигаралла гайтарехь а, бусалбанийн бакъонаш ларйарехь а цӀейаххана пачхьалкхан гӀуллакххо санна вевзаш ву хьо халкъана«, — йаздина Россин Федерацин Бусалбанийн динан урхаллин куьйгалхочо Нохчийн Республикин Мехк-Дена леринчу шен баркаллин костехь.
Иштта, Москвахь керла маьждиг дан къастийна меттиг йукъараллина а, меттигерчу бахархошна а бегӀийла хеташ меттиг хиларна тӀе тидам а бахийтина цо.
Цул сов, шен а, Россин Федерацин Бусалбанийн динан урхаллин а цӀарах Кадыров Рамзан сийлахьчу Мархийн баттаца декъала а вина Гайнутдин Равила.