Нохчийн Республикин Мехк-Дас, могашалла Ӏалашйаран министраца Лорсанов Сулейманца шен хиллачу къамелехь, вакцинацешца а, прививкашца а боьзна а болуш, леррина кхайкхам махкахошка а бина.
Берийн могашалла ларйаран декхар дай-наношна тӀехь хилар билгалдаьккхина цо шен кхайкхамехь.
Кадыров Рамзана ма-хаийттара, оцу белхан могӀарехь ду царна оьшшуш йолу вакцинацеш йайтаран гӀуллакх а.
«Оьшшуш йолу вакцинаци, прививка ца йинчу беран могашаллина цхьаъ хилахь, дас-нанас законийн лехамашца жоп делла Ӏийр ма дац — Далла хьалха а жоьпаллехь хир ма ду и шиъ«, — дийцина республикин Мехк-Дас.