Медицинин туризм вайн республикехь кхиоран декъехь къахьоьгур ду.
Оцу хьокъехь хаам бина Могашалла Ӏалашйаран декъан куратор а, Нохчийн Республикин Мехк-Ден Секретариатан куьйгалхочун гӀовс а йолчу Кадырова Хутмата.
И гӀуллакх цо дийцаре дина Туризман министраца Байтазиев Муслимца шен хиллачу цхьаьнакхетарехь.
«Россин гӀаланашкара а, кхечу мехкашкара а нах а богӀуш, могашалла меттахӀотторан башха меттигаш йу вайн. Цигахь санаторин а, курортан а дарба лелийна ца Ӏаш, медицинин реабилитацеш а йо«, — йаздина Кадырова Хутмата.
Иштта, и дакъа кхиорца боьзна шен хьежамаш а бовзийтина цо оцу цхьаьнакхетарехь.
«Нохчийн Республикехь медицинин туризм кхиоран концепци кечйар, шуьйрачу хаамийн гӀирсаш а, блогерш а йукъаозор, Туризман министерствос а, хьокъала долччу медицинин хьукматаша а Йерригроссин мероприятешкахь дакъалацар«, — дийцина Кадырова Хутмата.