Соьлжа-ГӀаларчу Зорбанан цӀийнехь дӀадаьхьна Машаран денна лерина цхьаьнакхетар.
Цигахь дакъалаьцна Къоман политикин, арахьарчу зӀенийн, зорбанан, хаамийн министра Дудаев Ахьмада, Ӏедалан а, муниципалитетийн а хьукматийн, йукъараллин организацийн векалша.
ХӀорашеран и дезде оханан беттан 16-чохь билгалдоккхуш ду.
Цуьнан хьокъехь дуьйцуш, Дудаев Ахьмада билгалдаьккхина и терахь нохчийн халкъана историн маьӀна долуш хилар.
«КТО-н раж дӀайаьккхича дуьйна, коьртехь Мехк-Да Кадыров Ахьмад-Хьаьжин Рамзан а волуш, дийно-дийно кхуьуш бу вайн мохк, экономика, могашалла Ӏалашйар, культура, спорт, дешар«, — дийцина министра.
Цул сов, республика кхиарна йукъахь дакъалаьцна болчу Нохчийн Республикин бахархошна Сийлаллин грамоташца а, Баркаллин кехаташца а совгӀаташ а дина Дудаев Ахьмада.