Бахархойн хӀусамийн дозанашка кхаччалц маьхза газ йигаран программа кхочушйаран лидершлахь йу Нохчийчоь.
Оцу хьокъехь хаам бина республикин Премьер-министра Хучиев Муслима.
Цо билгалдаккхарехь, вайн мехкан кхиамаш Россин Федерацин Президента Путин Владимира дӀайаьхьначу кхеташонехь федерацин вице-премьера Новак Александра а бовзийтина.
Ткъа кхиамаш болуш бу — 2022-чу шеран план кхочушйарал сов, маьхза газ йигаран болх кхин а 14% алсам бина Нохчийчохь.
Цуьнца а догӀуш, даханчу шарахь газан сеташна тӀетеснарг 5,3 эзар хӀусам йу.
Цул сов, карарчу шарахь, 2,8 эзар хӀусаман дозане маьхза газ йигаран план а йолуш, 1 эзар сов хӀусамехь и болх дӀаберзийна говзанчаша хӀинцале а.